Республикысе курчак театр «Весенняя карусель-онлайн» тӱнямбалсе гастроль фестивальыш ушнен.
Тиде куштылго огыл жапыште курчак театр-влак икте-весын пашажым ужаш манын, иктеш ушненыт да онлайн-площадкыште шке спектакльыштым ончыктат. Тыгай фестивальым эртараш Орёл оласе курчак театрын шонымашыже лийын.
Фестивальыш Моско, Тверь, Калуга, Брянск, Владимир, Йошкар-Ола, Орел, Курск да молат ушненыт. Чылаже 17 оласе театр коллектив-влак 33 спектакльым ончыктат.
Мемнан Курчак театрна тиде жапыште «Про Ушастика» ден «Не болей, не кашляй, не чихай» спектальлам темла.
А.БАЙКОВА
