17 май – Вӱргорно гипертоний дене кучедалме тӱнямбал кече
Лач тыге ойлат гипертоний нерген. Тудын кугу давлений деч моло ситыдымашыже утыжым огешат палдырне. Но тыгодым чер илышлан кӱлешан шӱм, вуйдорык, вӱргорно, шинча, верге гай орган-влакым пытара. Кугу давлений вӱрын вуйдорыкыш пурен сеҥымыже, тыгак миокардын инфарктше лийын кертме дене лӱдыкшӧ.
Вӱргорно гипертонийын амалжым кызытеш 10 процентлан веле рашемдыме. Тыгодым тудлан вияҥаш лӱдыкшым ыштыше икмыняр факторым содыки пален налме, тиде –
• ийгот;
• наследственность;
• пӧръеҥ-влак утларак орланат;
• тамак;
• арака, шинчал, кояҥмаш, шагал тарванылмаш;
• стресс да молат.
Вӱргорно давлений кӱзымӧ деч икмыняр правилым шотыш налаш кӱлешан:
— давленийым кече еда висаш;
— шуко калориян продуктым утыждене кочмо деч шекланаш;
— суткаште кочмо кочкышын калорий чотшым кучылтмо вий дене таҥастараш;
— калийын шинчалжылан поян шукырак пакчасаска ден емыж-саскам кочкаш;
— шкан чыла шотыштат келшыше капкыл нелытым палаш да тудым нормышто кучаш;
— аракам утыждене йӱмӧ деч шекланаш;
— тамакым шупшмым чарнаш;
— кечыште 30-60 минут деч шагал огыл жапым физический чолгалыклан ойыраш.
Аралыза шкендам да лишыл еҥда-влакым!
М.ИВАНОВА
