«Мы вместе» всероссийский акцийын «Кочкыш йӧрвар полыш» проектышкыже У Торъял районысо администрацийын, калыклан социальный полышым пуышо комплексный рӱдерын пашаеҥже да волонтёр-влак ушненыт.
Нуно 65 ияш деч кугурак да илен лекташ кӱлшӧ эн изи 1,5 кугыт деч шагал парышан еҥ-влаклан кочкыш йӧрварым намиен пуэдат. У Торъял районышто чылаже 500 наре тыгай еҥ уло. Июнь мучаш марте кажныжлан кочкыш йӧрвар наборым кучыкташ палемдалтеш.
Л.КАМАЛЕТДИНОВА
