Регионыштына коронавирусын пандемийжылан кӧра чараклыме мероприятий-влакым увертарыме гынат, азапыш (индырымашке, виешлымашке) логалше ӱдырамаш-влак полышым шке жапыштыже налын кертыт.
Калыклан психолого-педагогический да социальный полышым пуышо «Доверие» рӱдерын ӱдырамаш-влаклан палемдалтше кризисный отделенийже – неле илыш ситуацийыш логалше ӱдырамаш-влакын эҥертыме верышт. Ешыште кырат, тӱрлӧ семын индырат да тыгодым кузе лияш огыда пале гын, 21-10-40 номеран телефон дене йыҥгыртыза да можым-кузежым радамын каласкалыза. Тылеч посна азапыш логалше ӱдырамаш-шамыч рӱдерын психологшо, юристше але социальный паша шотышто специалистше деч онлайн йӧн дене, ты шотыштак +79913980343 номер дене Ватсап да Вайбер мессенджерла гоч консультацийым, ой-каҥашым налын кертыт. Тыгодым «Скайп» приложенийыште «По социальным вопросам консультация Доверие» але «Консультация Доверие» разделым клавиатур полшымо дене погыман.
М.ИВАНОВА
