УВЕР ЙОГЫН

Коло тӱжем наре еҥым шижтареныт

Таче, 14 майыште, Марий Элым вуйлатыше Александр Евстифеев Россий Федерацийын У коронавирус инфекций шарлыме ваштареш шогымо шотышто кугыжаныш советшын пашаче группыжын заседанийыштыже участвоватлен.
Заседанийыште регионлаште коронавирус дене черланымым рашемдыме сӱрет, тестироватлыме пашам эшеат кумдаҥдыме, эпидемиологий ситуацийым шотыш налын, ялозанлык ден промышленность отрасль-влакын пашаштым уэмдыме, пашам ыштыше предприятий ден организацийлаште санитарно-эпидемиологий режимым шуктымо, коронавирусан пациент-шамычлан полышым пуышо медицине пашаеҥ-влаклан ешартыш выплатым тӱлымӧ нерген мутланеныт.
14 майысе официальный данный почеш, Марий Элыште у коронавирус инфекций дене черланыме 1033 случайым регистрироватлыме, 28 тӱжем утла тестированийым эртарыме.
У коронавирус инфекций шотышто мероприятий комплексым илышыш пуртымо шонымаш дене Роспотребнадзорын регионысо виктемже ден Марий Элысе МВД коклаште икте-весылан уверым пуэн шогымо пеҥгыде кылым ыштыме, граждан-шамычын посна улмо режимым пудыртымышт шотышто пашам пырля ыштыме алгоритмым рашемдыме. 13 майысе данный почеш, элкӧргӧ паша органлан пашаеҥже-влак 65 ий деч кугурак граждан-шамычлан чылаже 19776 уведомленийым кучыктеныт.

Марий Элым вуйлатышын организаций да

аналитике виктемжын уверже негызеш М.ИВАНОВА ямдылен

   

Опубликовать в Одноклассники

Добавить комментарий