Онлайн йӧн дене пайдаланен, кызыт шуко пашам ышташ лиеш. Южышт мастер классым эртарат, концертым ончыктат, тӱрлӧ туныктышо сынан видео-влакым сниматлат. Йолташ-влак, тендан коклаште тыгай мастар-влак улыт? Тугеже тиде увер пайдале лиеш.
Дизайн, модо, сымыктыш, литератур, хореографий, медиа, калык усталык, муро, театр ден кино, мыскара, архитектур ден скульптур дене кылдалтше онлайн-эфир да видеоролик-влакым ВКонтакте социал сетьыш лукшо ӱдыр-рвезе-влаклан «Таврида» окса дене полшаш ямде. Тидлан пашадам #ТавридаПомогает хештег дене лукман.
Кумданрак «Таврида» форумын официал лаштыкыштыже але ВКонтактесе «Арт-кластер «Таврида» тӱшкаште пален налаш лиеш.
О.МОШКИНА
