САМЫРЫК ТУКЫМ

Ончыкылык – нунын кидыште

«Российысе самырык тукым проект конкурс» иктешлалтын. Тӱрлö номинаций почеш Марий Эл гыч сеҥышыш 17-ын лектыныт. Тиде Ольга Гуськова, Василий Чеканов, Ландыш Габдулвалеева, Яна Атабаева, Екатерина Егорова, Анастасия Толстова, Анна Тараткина, Марина Афанасьева, Дмитрий Бобров, Маргарита Жирова, Елена Рокина, Константин Сергеев, Лиана Бутенина, Ксения Жданова, Юлия Миронова, Алексей Семёнов, Екатерина Богданова.

Проектым илышыш шыҥдараш грантым налше кокла гыч ик уста ӱдыр Анна Тараткина дене мутланаш пиал шыргыже:

«Йоча сад гыч университет марте марий йылмым тунемам. Туге гынат сайын палем манын ойлен ом керт. А проектым йылмым палаш да тудым кумдан шараш шонен возенам. Тудо «ТвоЙО театральное радио» маналтеш. Марла да рушла аудио-пьесе-влакым возен, «ТвоЙО» радион ВКонтакте социал сетьысе тӱшкашкыже лукташ шонем. Марий кугыжаныш университетын историко-филологический факультетшын студийыштыже тиде паша шукталтшаш. Лекше материалым ИКН уроклаштат кучылташ лиеш.

Мыйын шонымаште проект йылмым тунемме у да оҥай йöн. Тудын гоч марий йылме да тӱвыралан радиом колыштшо-влакым кумылаҥдынем».

О.МОШКИНА

Опубликовать в Одноклассники

Добавить комментарий