Социальная жизнь
СОЦИАЛ ИЛЫШ

«Ӱшанлан» ӱшане

Кодшо кугарнян Йошкар-Олаште, Психолого-педагогический полышым пуымо республикысе «Ӱшан» («Доверие») рӱдер ден Еш ден йоча-влаклан социальный полышым пуымо Йошкар-Оласе рӱдерым иктыш ушен, Психолого-педагогический да социальный полышым пуымо республикысе «Ӱшан» («Доверие») рӱдерым торжественно почмо. Тудо тӱҥ шотышто уда (благополучный огыл) еш, неле койыш-шоктышан йоча, подростко, пашадыме, тыгак илышыште кугу нелылыкыш логалше да тушечын шке семын лектын кертдыме-влак дене пашам ышташ палемдалтын.

Рӱдерыш профессионал-влакым гына погымо. Нуно полышым йодын толшо кажне еҥым порын, умылен вашлийыт, чыла нелылык гыч лийме семын куштылгынрак лекташ, ача-ава ден икшыве-влак коклаште кылым муаш, азапыш логалше ӱдырамаш-шамычлан полшаш тыршат.

Рӱдерын адресше: Йошкар-Ола, Эшкинин урем, 2-шо пӧрт;

телефонжо: 21-01-09, 21-10-40.

М.ИВАНОВА.

Опубликовать в Одноклассники

Добавить комментарий