Марий Эл Образований да науко министерствыште 2020 ийлан палемдыме задаче-влакым илышыш пурташ публичный декларацийым пеҥгыдемденыт.
Министр Н.Адамован мутшо почеш, тудын тӱҥ шонымашыже – министерствын пашажым да тудым ыштымылан акым публично ончыкташ. Тений регионысо образований системым вияҥден толмаш «Образований», «Демографий» национальный проектлам илышыш шыҥдарыме дене кылдалтын. Тыгай тӱҥ направленийлам палемдыме:
– сай качестван общий образованийым налаш йӧным ышташ;
– ешартыш общеобразовательный программе шукырак икшывым авалтышаш;
– кыдалаш профессионал образований системым кызытсе стандартлан да тежнологийлан келышышын уэмден вияҥдаш;
– посна категорийыш (мутлан, начар тазалыкан-влак) категорийыш пурышо-шамычлан шинчымашым пуаш условийым ышташ;
– воспитанийым пуымо кугыжаныш-мер системым вияҥдаш;
– образований сферыште бюджет роскотын пайдалыкшым кугемдаш.
Г.КОЖЕВНИКОВА