ШИНЧЫМАШ КУГОРНЫШТО

Зоя Беляева

Зоя Беляева, Советский район Кодам тӱҥ школышто марий йылмым туныктышо, Марий Эл Республикын сулло да калык туныктышыжо.

– Туныктышын пашаже нигунам куштылго лийын огыл, но кызыт эшеат нелемын. Йочалан дистанционно кӱлешан, келге шинчымашым пуаш манын, у йӧн дене туныктен моштыман, а тидлан шканжат тунемман. Тидыжым южгунамже оксалат ышташ логалеш. Теве тазалыклан начар икшывым туныкташ кажне педагог дистанционно курсым эрта, тудлан тӱлыман. Школын материальный базыже начар, методический пособийым да молым адакат шке кӱшеш налман. Но ятыр моло туныктышо гаяк мый оксалан гына пашам нигунамат ыштен омыл, тӱҥжӧ – самырык тукымлан сай шинчымашым да воспитанийым пуаш. Туге гынат Россий Президент Владимир Путинын педагогический пашаеҥ-влаклан пуаш палемдыме выплате педагог-влаклан уто ок лий, тиде – кугу полыш. Адакшым ты оксажым нуно шканышт огыл, а пашаланак кучылтыт.

 

Г.КОЖЕВНИКОВА ямдылен

Опубликовать в Одноклассники

Добавить комментарий