Киров кундем Башарово села воктенсе Быстрица эҥер дене авторский мурым йоҥгалтарыше-влаклан «Гринландия» фестиваль ий еда эртаралтеш. Тений тудо 21-23 июльышто лиеш.
Фестивальыш икымше космонавт ӱдырамаш Валентина Терешкова, бобслей дене олимпийский чемпион Алексей Воевода, Российын калык артистше Иосиф Кобзон да молат толшаш улыт.
Мероприятийыш мийыше-влак тыгак футболла, волейболла модыт, кирам нӧлтен, канатым шупшын, армрестлингыште вийыштым тергат, шахмат дене уш-акыл пӱсылыкым ончыктат.
Йоча-шамычланат поян программе лиеш. «Йомак академийыште» нуно кидпашам ышташ, мураш, кушташ да тӱрлӧ модыш дене модаш тӱҥалыт.
А.Байкова.
