Марий Эл Республик вуйлатыше Александр Евстифеев да республик кучемын еҥже-влак Йошкар-Оласе рӱдӧ каныме паркыште верланыше Воинын чап монументше да Курымашлык тул воктеке пеледышым пыштеныт.
Коронавирус эпидемийлан кӧра Сеҥымаш кечын марий рӱдолан уремже-влак пуста лийыныт, вет патриот шӱлышан акций-влак онлайн режим дене гына эртеныт. Пеледышым пыштыме церемоният чер деч аралалтме режимым шотыш налын эртен. Туге гынат, республик вуйлатыше чылаштым Сеҥымаш кече дене саламлен, а сарын участникше-влаклан кужу ӱмырым тыланен.
С.НОСОВА