27 апрель гыч 12 май марте Марий Элыште пожар ваштареш кучедалме да чодыраш коштмо посна режимым пуртымо нерген увертаренна ыле. Тидын шотыштак посна ушештарена. Чодыра пожарым ужында гын, Марий Элын Пӱртӱс поянлык, экологий да йырым-йырысе средам аралыме шотышто министерствыжын регионысо диспетчер службышкыжо увертарыза. Телефон номерже — (8362) 56-65-35, але «Чодыра оролын вияш линийышкыжат йыҥгырташ лиеш (8-800-100-94-00). 5 майыште гына республикыште кок вере — Рутко ден Кокшайск лесничствылаште — чодыра ылыжын, но пеш вашке йӧртымӧ.
С.НОСОВА
