УВЕР ЙОГЫН

Марий кундем гыч – кум еҥ

Чечнясе волонтёр-влак Кугу Отечественный сар жапыште Грозный ола воктене Марий Эл гыч колышо салтак-влакым кычалыт.

«Наш дом – Город Грозный» мер оганизацийын еҥже-влак «Я вернулся, мама» всероссийский акцийым эртарат.  Нуно 1942 ийыште Грозный олам аралыше да Чечня кундемыште эртыше моло бойыштат кучедалше да братский шӱгарлашке тойымо салтак-влакын родо-тукымыштым кычалыт. Варажым волонтёр-влак нунылан, посна контейнерыш пыштен, тусо шӱгарла гыч мландым колтат. Марий АССР гыч кум тыгай салтак нерген пален налыныт. Тыгеат лийын кертеш, родо-тукымышт але марте нуным тушко тойымо нерген огыт пале. Теве нунын лӱмышт:

  1. Федор Гаврилович Иорданов (1925- 23.12..1945, рядовой),

Марий АССР, Курыкмарий район, Важнан-Гер ялыште шочын.

  1. Яков Степанович Садован (1910 -28.04.1943, рядовой),

Марий АССР, У Торъял район, Махсаккада селаште (очыни, села лӱмжӧ йоҥылыш сералтын) шочын.

  1. Андрей Иванович Смирнов (1916-10.10.1942, рядовой,

Марий АССР, Козьмодемьянск олаште шочын.

Тидын нерген «Открытые НКО» портал увертара.

С.НОСОВА

Опубликовать в Одноклассники

Добавить комментарий