ЭКОЛОГИЙ

«Ме тендан верч чодыра пожарым йӧртена…»

Коронавирус эпидемий эртыме пагытыште Россий мучко экологий сӱретат кумылым пешыже ок нӧлтӧ. Эшежым чодыра пожар-влак лийын кертме лӱдыкшӧ пагыт тӱҥалын. Марий Элын Пӱртӱс поянлык, экологий да йырым-йырсе средам аралыме шотышто министерствыжын увертрымыж почеш, 10 гыч 9 пожарже лач еҥ-влакын титакыштлан кӧра ылыжыт. Эртыше  жапыште гына кок гана республикысе чодыраште тул ылыжын. Санденак Рослесхоз Калуго областьысе Пӱртӱс поянлык министерсвын темлымашыж дене келшен да моло тыгаяк министерствылан тудым илышыш шыҥдараш темлен. Марий Элат «Ме тендан верч чодыра пожарым йӧртена, а те чодыра верч мӧҥгыштыда лийза» увер флешмобыш ушнен. Май тӱҥалтышысе пайрем кечылаште еҥ-влаклан пӱртӱсыш коштмо олмеш, мӧҥгыштышт лияш темлатеш.

С.НОСОВА

Опубликовать в Одноклассники

Добавить комментарий