Татьяна Ямбердова, этномузыковед, композитор, музыкант-исполнитель (Санкт-Петербург ола):
— Мӧҥгыштӧ шинчена, но тунемшем-влак (лу скрипач) дене дистанционно пашам ыштена. Тиддеч посна репертуарым у произведений-влак дене пойдараш тыршем, ончыкыжым сольный концертым эртараш шонымаш уло. Тӱрлӧ мастер-классым ончем, научный литературым шымлем. Кок икшывемланат жапым ситышынак ойырем: коктынат музыкальный школысо фортепиано классыш коштыт, сандене мастарлыкым эреак шуарыман, тиддеч посна кугурак эргым дене урокым ыштена. Пелашемат – музыкант (пианист). Икманаш, уло еш дене пырля тунемына, мастарлыкнам вияҥдена.
А.БАЙКОВА
