УВЕР ЙОГЫН

Вич тӱжем респираторым налме

Республикнан медицине пашаеҥже-шамычлан тӱрлӧ черын поснак осал возбудительже-влак деч аралыше шуко гана пайдаланаш лийме 2,5 тӱжем респираторым кондымо.
Тиде регионым вуйлатыше Александр Евстифеевын Марий Эл правительствын резерв фондшо гыч ойырымо средстваж дене налме сатун икымше партийже.
Сатум кондымо шотышто контрактым «Респираторный комплекс» ООО (Ленинград область) дене ыштыме. Тудын дене келшышын, поставщик регионышкына чумыржо 13 тӱжем респираторым колтышаш. Сатун акше 1,5 млн. утла теҥге.
Икымше партий дене колтымо респираторын утларак ужашыжым коронавирус дене черланыше да тиде инфекций дене авалталтын кертыныт манын шонымо пациент-влакым эмлыше инфекционный отделениян медицине организацийлашке ойырымо.

Марий Элым вуйлатышын организаций да аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий