Russia.Travel калыкле турист портал да «National Geographic Россия» журнал икымше гана «Россия в кадре» фотоконкурсым увертареныт.
Тушто сеҥышыш лекше Российым ончал савырнаш путёвкым модын налын кертеш. Конкурс 22 май гыч 22 сентябрь марте шуйна. 18 ийым эртыше Российын кажне гражданинже тушко ушнен кертеш. Ийготыш шудымо-влаклан «Россия глазами детей» посна номинаций уло. Фотограф-влак вич ий деч ончыч огыл возымо 10 наре фотографийым икмыняр номинаций дене пуэн кертыт. Сеҥышым кажне номинацийыште ойырат. Варажым нунылан Российысе ик олаш каяш путёвкым кучыктат. Конкурс мучашлалтмеке, Москваште да Российысе моло олаште эн сай паша-влак дене палдарыше фотовыставке-влак эртат. Рашрак конкурс, тудын условийже нерген National Geographic сайтыште пален налаш лиеш.
С.Носова.
