Йошкар-Олаште «Пушкинский» торгаймыме рӱдер ваштареш остановкышто икымше экотеҥгыл ден урным вераҥдыме.
Тыгай чатка теҥгылым ышташ перерабатыватлыме вич тӱжем наре полиэтилен пакет ден 80 кг наре ошмам кучылтмо, палдарен мэрын алматышыже Л.Покровский.
Производитель палемден: Озаҥыште пластик шӱкшакым перерабатыватлыше предприятий ола уремлаш вераҥдаш йӧршӧ теҥгылым, шӱкшакым кышкыме урным ыштен луктеш. Тудо кодшо ийын почылтын. Вашке Марий Элыштат тыгай производствым пашаш колтат.
Р.ЧЕПАКОВА ямдылен
