Нелын черланыме деч вара 18 апрельыште, кумдан палыме шанчызе, педагогике науко доктор, профессор, МАССР-ын сулло туныктышыжо, МАССР наукын сулло деятельже, Яныш Ялкайн лӱмеш премийын лауреатше Петр Андреевич Апакаевын шӱмжӧ кырымым чарнен.
Петр Андреевич 1936 ий 2 августышто Пошкырт кундем Калтаса район Тошто Оръямучаш ялын шочшыжо уло ӱмыржым педагогике пашалан пӧлеклен, ончыкылык туныктышо-влаклан шинчымашым пуэн. Тудо икмыняр книган авторжо.
«Марий Эл» газетын коллективше шочмо калыкнан данле эргыжын ӱмыр лугыч лиймыж нерген чаманен увертара.
