Кугече йӱдым окна ончыко шындыме тулым йӧрташ ида мондо.
У коронавирус инфекцийын шарлымыж деч граждан-влаклан религиозный организацийлашке да шӱгарлашке кошташ чарымылан кӧра мессенджерлаште тыгай увер шарлыш: «Айста шуматкече гыч рушарняш вончышо Кугече йӱдым, пелйӱдлан, мӧҥгыштына сортам, лампадым але ыресым нумалын ошкылмаште пайдаланыме сортан лампым чӱктена да чаткан гына окна ончыкына шындена. Тыге ме Христосын ылыжмыж шотышто куаннам икте-весе дене пайлена да моло еҥлан ончыктена: «Кушто Юмо, тушто ӱшан ден куан эре улыт. Да тул пычкемышыште йӱла, да пычкемыш тудым авалтен огыл!»
Волгыдо пайрем кугу азапыш ынже пурто манын, тиде йӱлам шуктымо годым тул пижын кертме деч чот шекланыза. Сортам ма лампадым але понарым окна чарша але тул пижын кертман арвер, тыгак йоча ден пий-пырыс логалын кертме деч торашкырак вераҥдыза. Тулым эскерыде ида кодо. Адакше тудым йӱдвошт огыл, ик шагат кучымат сита, маныт православный верам кучышо-влак.
М.ИВАНОВА
