Роспотребнадзорын Марий Элысе виктемжын палдарымыж почеш, республикыштына 17 апрель марте у коронавирус инфекций дене черланыме 179 случайым официально регистрироватлыме.
Тиде чот гыч:
104 еҥ – 30 гыч 60 ияш марте,
7 ньога – 1 гыч 6 ияш йотке,
7 йоча – 7 гыч 14 ияш марте,
7 икшыве – 15 гыч 17 ияш йотке,
23 граждан – 18 гыч 29 ияш марте,
31 илалше – 60 ий деч кугурак.
179 гыч 68 (38%) еҥын черланымыже клинике велым огеш палдырне, 63 (35,2%) гражданын тазалыкше «нелылыкын куштылго йыжыҥже» семын аклалтеш, 39 (21,7%) пациентын – «нелылыкын кокла йыжыҥже» семын да 9 (5%) черле шкенжым начарын шижеш.
Коронавирус инфекций шотышто лӱдыкшӧ элла гыч толшо ОРВИ палан чыла еҥым посна ойырымо да тергыме, нунын коклаште чер дене авалталтшым рашемдыме огыл.
М.ИВАНОВА
