Пандемий пагытыште «Магнит» сатулышо фирме коронавирусан пациент-шамычлан полышым пуышо медик-влаклан утларак бонусым пуышо лояльность манме спецкартым луктын.
Тушко «Магнитын» чыла точкыштыжо налме сатун чумыр акше гыч 20 процент бонус палемдалтеш. Варажым тудын дене «Магнит» кевытын чыла форматыштыже: «пӧрт воктене», супермаркетыште, аптекыште, дрогериште (косметике, парфюмерий, гигиене, озанлык, химий продуктым темлыше кевыт), — налме сатум эсогыл тичмашнек тӱлаш йӧн пуалтеш.
Налме сатум бонус дене тӱлашлан картым «Магнит» кыл рӱдерын 8-800-200-90-02 номеран телефонжо дене активироватлыман. Тидланже мобильный телефонын да картын номерыштым каласыман але 9002 номерыш тӱлыдымӧ СМС-ым (картын номерже – пробел – лӱм – пробел – шочмо жап) колтыман.
Медпашаеҥын «Магнит» сатулышо фирмын картыже уже уло гын, у картым тиде телефон номер денак активироватлаш да бонусым иктыш ушаш кӱлеш.
Утларак процентым палемдыме акций 30 июнь марте шуйна. Варажым тудын дене тыглай карте семынак пайдаланаш лиеш.
М.ИВАНОВА
