Республикын стационарлаштыже коронавирус дене черланымым пеҥгыдемдыме диагнозан да инфекций дене авалталтын кертыныт манын шонымо 143 пациент эмлалтеш.
Марий Элын Тазалыкым аралыме министерствыжын увертарымыж почеш, таче эрдене Йошкар-Оласе больницын инфекционный отделенийыштыже 121 еҥ эмлалтын. Нунын кокла гыч 31 пациент неле состоянийыште, 89 еҥын тазалыкшым «нелылыкын кокла йыжыҥже» семын аклат, иктыным – «нелылыкын куштылго йыжыҥже» семын.
Кок черле шодым искусственно вентилироватлыме йӧн дене шӱла, 48 пациентлан кислород кӱлеш.
Йоча республиканский клинический больницыште вич икшыве кия. Ныл пациент шкенжым сайын шижеш, иктын состоянийже «нелылыкын кокла йыжыҥже» семын аклалтеш.
Звенигово районысо рӱдӧ больницыште COVID-2019 дене черланен кертыныт манын шонымо куд пациент эмлалтеш. Врач-влак нунын тазалыкыштым «нелылыкын кокла йыжыҥже» семын аклат.
Козьмодемьянск межрайонный больницын инфекционный отделенийыштыже коронавирус дене авалталтын кертыныт манын шонымо вич пациент кия, ныл черлын состоянийже «нелылыкын кокла йыжыҥже» семын аклалтеш, иктылан кислород кӱлеш.
Волжск оласе рӱдӧ больницын инфекционный отделенийышкыже коронавирус дене черланен кертше вич пациентым пыштыме. Нунын состоянийышт «нелылыкын кокла йыжыҥыштыже». Кум черле кислород полшымо дене шӱла.
Марий Турек районысо рӱдӧ больницын инфекционный отделенийыштыже ик пациент кия. Врач-влак тудын тазалыкшым «нелылыкын кокла йыжыҥже» семын аклат.
Медведево районысо рӱдӧ больницын коронавирусан пациент-влаклан хирургический да акушерско-гинекологический профилян медицине полышым пуымо отделенийыштыже кок пациент эмлалтеш. Ӱдырамаш-влакын тазалыкышт «нелылыкын кокла йыжыҥже» семын аклалтеш.
М.ИВАНОВА
