УВЕР ЙОГЫН

РОССИЙЫН ШӦРТНЬӦ ПЕРАЖЕ

«Удмурт дунне» газетын коллективше «Российын шӧртньӧ пераж» дене палемдалтын. Редакций ты конкурсышто «Россий журналистикын шӧртньӧ полкыжо» номинацийыште ойыртемалтын. Ты кӱкшӧ наградым газетын 100 ияш лӱмгечыж вашеш савыктыме  икымше удмурт энциклопедийлан налыныт.

— Курым жапыште «Удмурт дунне» кундемнан илышыжым почын ончыкта, шочмо йылмына, тӱвырана  илыже да вияҥже манын тырша. Чылаже 25 тӱжем утла номер лектын. Чаманен каласыман, газет подшивкын ӱмыржӧ кужу огыл, нуно архивыште да книгагудылаште гына аралалт кодыныт. А лукмо энциклопедийна эн тӱҥжым чумырен, — ойла «Удмурт дунне» газетын тӱҥ редакторжо Зинаида Рябинина.

Энциклопедийыш кок тӱжем наре еҥ нерген увер пурен. Нунын коклаште- журналист, писатель, шымлызе. Кажныжат паша корныжым газет редакцийыште тӱҥалын. Изданийым ик ий утла ямдыленыт. А 2016 ийыште книгам чумырышо-шамыч, З.Рябинина, Л.Малых, В.Уразаева, Удмурт Республикын Кугыжаныш премийже дене палемдалтыныт.

Л.ШАБДАРОВА

Опубликовать в Одноклассники