Марий Элын Социальный вияҥмаш министерствыжын пашаеҥже-влак регионысо «Порылык корзиҥга» акцийыш ушненыт.
Нуно тиде корзиҥгам шуко жап аралаш лийме сату дене теменыт. Акций у коронавирус инфекцийын шарлымыж пагытыште начарын коштшо граждан, неле илыш ситуацийыш логалше еш, шоҥгыеҥ-влаклан полшымашке виктаралтын.
Министерствын пашаеҥже-шамыч регионысо калыклан полшышо #МыВместе волонтёр штаблан тӱрлӧ шӱрашым, сакырым, макарон изделийым да кужу жап аралаш лийме моло продуктым намиен пуэныт.
М.ИВАНОВА
