Марий Элын Тазалыкым аралыме министерствыжын увертарымыж гыч, 9 апрельыште Йошкар-Оласе инфекционный больницыште у коронавирус инфекциян икымше пациент колен.
Тудым отделенийыш кокла нелылыкан состоянийыште улмыж годым пыштеныт. Чер келгыш каен, да пневмоний кок вел шодыжымат авалтен. Тыгодым ӱдырамаш инфекциян огыл шуко хронический чер дене орланен.
Федеральный рӱдерын специалистше-влакын йодмашышт дене келшыше терапийым тичмашнек эртарыме. Пациентым эмлыше врач-влакым федеральный рӱдерын профессоржо телемедицинский технологий йӧн дене консультироватлен.
Индеш суткаште черлын тазалыкше начаремын веле. Пытартыш кечылаште тудо шодым искусственно вентилироватлыме йӧн дене гына шӱлен. Медицине велым чыла ыштыме гынат, пациент колен.
М.ИВАНОВА
