Элыштына шошо призыв стартым налын. Тудо Россий президент В.Путинын указше почеш молгунамсе семынак 1 апрель гыч 15 июль марте шуйна, но… Тений коронавирус черын шарлен кертме лӱдыкшылан кӧра ты аланыштат изиш вашталтыш уло.
– Икымше тӱшкам 20 май деч вара колташ лийме. Тыгодым верысе муниципал рӱдерыштат, республик кӱкшытан сборный пунктыштат ты черын шарлен кертме лӱдыкшым шотыш налына: дизинфекцийым ышташ, арулыкым эскераш тӱҥалыт, – палемдыш Марий Эл Республикын военный комиссарже Сергей Сидоркин.
Е.ЭШКИНИНА
