Коронавируслан анализым налме пункт-влакым ешарен почыт.
Йошкар-Олаште 1-ше да 4-ше №-ан поликлиникылаште коронавируслан анализым налме пункт-влакым почыт.
Март мучаш марте у коронавирус инфекцийлан неррож да логараҥ гыч мазокым налме пункт 2-шо №-ан поликлиникыште гына лийын. Ынде чылаже кумыт лиеш.
Медицине организаций-влак анализым сдатлаш толшо-шамычлан маскым чияш, пелен паспорт ден ОМС-ын полисшым налаш кӱлмӧ нерген ушештарат.
М.ИВАНОВА
