АКЦИЙ КОНКУРСЫ

Йӱштӧ Кугызан илемжат ынде утларак тӱзлана!

Марий Элын Самырык-влакын политикышт, спорт да туризм министерстве Марий Эл Республик вуйлатышын грантшылан внутренний да вьездной туризм областьыште 2015 ий годсек конкурсым эртара.

 Грантын кугытшо эше ӱмаште 500 тӱжем теҥге лийын гын, тений конкурсышто сеҥыше-влак коклаште 900 тӱжем теҥгем шеледат.

2020 ийыште конкурсыш йодмашым 4 номинаций дене налыныт. Эксперт комиссийын иктешлымашыж почеш, тений нунын кокла гыч теве могай проект-влак сеҥышыш лектыныт.

«Благоустройство и (или) модернизация объекта туристского показа на территории Республики Марий Эл» номинацийыште сеҥышылан «За забором Йӱштӧ Кугыза живёт, в сказку нас зовёт» проектым (Шернур район Кукнур кундем) шотленыт. Грантын кугытшо 150 тӱжем теҥге.

«Событийное мероприятие в сфере туризма на территории Республики Марий Эл» номинацийыште «Торъяльский FORDSON» проектым ойырен налыныт. Грантын кугытшо – 300 тӱжем теҥге.

«Развитие деятельности субъекта туристкой индустрии в Республике Марий Эл» номинацийыште Юл кундемысе технологический университет ойыртемалтын. Грантын кугытшо – 300 тӱжем теҥге.

«Лучший сувенирный проект в сфере туризма Республики Марий Эл» номинацийыште сеҥышылан Йошкар-Олан историйже тоштерым да Шернурысо Александр Конаков лӱмеш тоштер-выставке комплексым шотленыт. Кок учрежденийжыланат 75 тӱжем теҥге дене ойырат.

Л.КАМАЛЕТДИНОВА.

Опубликовать в Одноклассники

Добавить комментарий