Коронавирус инфекций шарлен кертме лӱдыкшылан кӧра VIII тӱнямбал финн-угор калык конгрессым эртарыме жап шӱкалалтеш.
Ончыч ты мероприятий 17-19 июньышто Тарту оласе Эстон калыкле тоштерыште лиеш манын палемдалтын ыле. Тушко 500 утла еҥ мияш ямдылалтын. Пайрем почмо кечыш Финляндийын, Венгрийын, Российын да Эстонийын президентыштым ӱжыныт. Конгресс эртыме жап варарак пале лиеш.
О.МОШКИНА
