Марий Элын 100 ияш лӱмгечыж вашеш республикысе книгагудылаште пашам ыштыше-влаклан мастарлыкыштым тергаш конкурс увертаралтын. Тудым «Марий Элын идылыкысе библиотекарьже» манын лӱмденыт.
Тушко районласе книгагудын кеч-могай пашаеҥже ушнен кертеш. Тыгодым ийгот, кӧлан пашам ыштыме да кушто тунемме (вузышто але ссузышто) шотыш огеш налалт.
Конкурс кок кутышын эрта.
Икымше этап 1 гыч 30 март марте заочно лийын. Тушто сеҥыше-влак кокымшо этапыш кусненыт. Нунылан вич тергымаш лиеш: «Финалистлан — вич йодыш», «Темлем», «Мыйын шонен коштмо библиотекышкем – 5 ошкыл», «Мыйын тыршымашем», «Оратор мастарлык».
Конкурсышто сеҥыше-влакым 27 майыште, Библиотекын Российысе кечыжын, палемдат, увертара С.Г.Чавайн лӱмеш национальный книгагудын маркетин пӧлкаже.
А.БАЙКОВА