ТАЗАЛЫК

Указыш вашталтышым пуртымо

«Марий Эл Республикыште утларак ямде улмо режимым ыштыме нерген» — тыге маналтын Марий Эл вуйлатыше А.Евстифеевын 2020 ий 17 мартыште лукмо 39-ше №-ан Указше («Официальный Марий Эл» портал (portal.mari.ru/pravo), 2020 ий 17 март, №17032020020007). Тиде указ тыгак «Марий Эл» газетын 2020 ий 20 мартысе 18-ше номерыштыже марлаш кусарен савыкталтын. Тылеч вара Марий Эл вуйлатыше А.Евстифеев 2020 ий 27 мартыште «Марий Эл Республикым вуйлатышын 2020 ий 17 мартысе 39-ше №-ан Указышкыже вашталтышым пуртымо нерген» 63-шо №-ан Указым луктын.

Тиде Указ дене Марий Эл правительствын сайтыштыже (mari-el.gov.ru/prezident/DocLib/200327_63.pdf) да “Марий Эл» газетын сайтыштыже палыме лийын кертыда.

27 мартыште регионым вуйлатыше Александр Евстифеев «Марий Эл Республикыште утларак ямде улмо режимым ыштыме нерген» указышкыже вашталтышым пуртен.

Документ дене келшышын, кочкышым граждан-влакын пурымышт деч посна чарашке лукшо деч моло ресторанын, кафен, буфетын, барын, пурлмыверын да общественный питанийын вес заведенийже-влакын, тыгак аптеке, аптеке пункт, эн ончычак кӱлшӧ кочкыш ден кочкыш огыл сатум розницыш ужалыше объект деч моло организацийын пашаштым 28 март гыч 5 апрель йотке чарен шогалташ кӱштымӧ. Физкультур да спорт организаций, моторлык, косметический, массаж да СПА-салон, солярий, монча да сауно-влакат петырналтшаш улыт. Тылеч посна экстренный да вес жапыш кусараш лийдыме стоматологический полышым пуышо организаций деч моло стоматологический кабинет-влаклан пашам ышташ чарыме.

Пунчал дене келшышын, кинотеатр, йоча модмо пӧлем ден веселаҥдыме рӱдер-влак, каныме моло заведений петырналтыт.

Кугыжаныш да верысе кучем-влак органлан ведомствыштышт улшо пансионатлаште, каныме пӧртлаште, санаторий-курорт организацийлаште, йоча лагерьлаште, унагудылаште верым бронироватлаш, уна-влакым вашлияш  да вераҥдаш чарыме.

65 ий деч кугурак ийготан, тыгак моло деч посна лийме режимым йодшо черан-влаклан шке илыме верыште, ты шотыштак садысе пӧртыштӧ 26 март гыч 14 апрель йотке посна лийме режимым шукташ темлыме. Организаций ден кугыжаныш органлан вуйлатышышт ден пашаеҥыштлан, кӧлан пашаште лияш кӱлешак, медицине организаций-влакын пашаеҥыштлан, тыгак у коронавирус инфекцийым кондымым да шаркалымым шижтарыме шотышто оперативный штабын пунчалже дене палемдыме граждан-влаклан посна лийме режим увертаралтдеат кертеш.

Тыгак граждан-шамычлан 1 июнь марте иктаж-кушко, ты шотыштак туризм да каныме семын, кудалышташ огеш темлалт.

Марий Элым вуйлатышын организаций да аналитике виктемжын уверже негызеш М.ИВАНОВА ден Ю.ИСАКОВ ямдыленыт

М.СКОБЕЛЕВЫН фотожо

Опубликовать в Одноклассники

Добавить комментарий