КУЧЕМ УВЕР

Чыла уверым тергыза

25 мартыште Марий Элым вуйлатыше Александр Евстифеев республик кумдыкыш у коронавирус инфекцийым кондымым да тудын шарлымыжым ончылгоч шижтарыме шотышто оперативный штабын черетан заседанийжым эртарен.

Правительстве председательын алмаштышыже Илга Дравниецен ойлымыж почеш, 25 мартлан налмаште республикыштына коронавирусан черлым регистрироватлыме огыл. Тыгодымак регионышкына вес элла гыч толшо 649 еҥым, ты шотыштак 6 йот гражданым, медицине велым эскерат. Тымарте Марий Элын Гигиене да эпидемиологий рӱдерыштыже да СПИД-рӱдерыштыже 787 шымлымашым эртарыме, чыла анализ сай. Регионым вуйлатышын «Марий Эл Республикыште утларак ямде улмо режимым ыштыме нерген» пунчалжым шуктымо кышкарыште коронавирус да пневмоний дене черланыше пациент-влакым эмлаш мыняр койко (1000 еҥлан 0,5 койко) кӱлмым шотлен лукмо да тудын чотшым медицине полышым стационарыште пуышо организаций-влакым пужен профилироватлыме йӧн дене кӱчык жапыште шукемдаш палемдыме.

Республикын ялозанлык да продовольствий министрже Александр Гречихо регионышто кочкыш да промышленный сатум ситарыме нерген каласкален.

Тазалыкым аралыме министр Марина Панькован мутшо почеш, вирус ден бактерийым пытарыше препарат кум тылзылан сита, кызыт тудын шапашыжым куд тылзылан ямдылаш палемдыме.

Эше ик кӱлешан йодыш у коронавирус инфекций  шотышто шояк уверым шаркалыме дене кылдалтын. Эртыше арнян икмыняр случайым мессенджерлаште да телеграмм-каналлаште пеҥгыдемдыме. Нунын кокла гыч иктыже Марий Элыш корным петырыме нерген лийын. Чыла тидым шотыш налын, оперштаб регионысо калыклан тергыме данныйлан гына ӱшанаш темла.

Марий Эл Республикым  вуйлатышын организаций да

аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий