ТАЗАЛЫК

Йоча-влак чӱчкыдынрак черланат

16-22 мартыште республикыштына ОРВИ да грипп дене 4310 еҥ черланен. Тиде показатель эпидемий лондемым 8,1 процентлан вончен. Черланыше-шамыч коклаште утларакше (2730 еҥ) 14 ияш марте йоча-влак улыт.

Эртыше арнян Йошкар-Олаште, Козьмодемьянскыште, Курыкмарий, Медведево, Советский да Морко районлаште грипп дене черланыме 33 случайым регистрироватлыме. А (Н1N1/09) манме сӧсна грипп дене 7 кугыеҥ ден 20 йоча черланеныт, В грипп дене – 2 кугыеҥ ден 4 икшыве.

Вирусан черын шуко ӱдыр-рвезым авалтымыжлан кӧра Морко районысо ик йочасадыште, Йошкар-Оласе, Волжскысо, Козьмодемьянскысе, Волжский, Морко да Медведево районласе 7 школысо 8 классыште да 9 йочасадысе 13 группышто туныктымо да воспитатлыме пашам тичмашнек чарен шогалтыме.  

М.ИВАНОВА

Опубликовать в Одноклассники

Добавить комментарий