Марий Эл Республикысе культурын пагалыме пашаеҥже, отрасльын ветеранже-влак!
Марий Эл Республикын Кугыжаныш Погынжо тендам Культур пашаеҥын кечыж дене саламла да Марий Эл Республикын культурно-исторический, национальный наследийжым арален кодымашке да пойдарен толмашке, просветительствын, нравственностьын да духовностьын суапле традицийыштым пеҥгыдемдымашке аклен шукташ лийдыме надырым пыштымыланда алал кумылын таум каласа.
Мемнан республикыште кугу всероссийский ден тӱнямбал фестиваль, конкурс, конференций-влак эртаралтыт, музыкальный ден театральный проект-влак илышыш шыҥдаралтыт. Чыла тидыже Российын культур картыштыже мемнан регионнам шинчалан койшыш савырат. Тидын дене ме кугешнен кертына.
Кызыт культурлан кугыжаныш поснак кугу тӱткышым ойыра. Элыште «Культур» пеш кугу национальный проект илышыш шыҥдаралтеш. Тудо Россий Федерацийыште культурым вияҥдыме пашам умбакыже кумдаҥдаш, учреждений-влакын материально-технический негызыштым чотак уэмдаш, изи ола ден яллаште культур илышым утларак сай качестваным да шуко шєрынаным ышташ полшышаш.
Марий Эл Республикысе культур учрежденийлаште уым кычалше, шке профессийлан ӱшанле улшо да творчестве деч посна илен кертдыме специалист-влак тыршат.
Кугыжаныш Погын кажне кечын тыршен пашам ыштымыланда, шке пашалан ӱшанле, мастар да уста улмыланда, еҥ-влаклан куаным пӧлеклен шогымыланда тыланда таум ойла.
Профессиональный пайремдам палемдыме кечын пеҥгыде тазалыкым, нӧлталтше кумылым, мучашдыме вий-куатым алал кумылын тыланымашым налза. Творческий пашаштыда у сеҥымашке шуза, тек чыла шонымашда илышыш шыҥдаралтеш.
Марий Эл Республикын Кугыжаныш Погынжын
Председательже А.В.СМИРНОВ
