ШКОЛ ЙОЛГОРНО

Портсигар, котелок, кружка…

Советский район Кукмарий тӱҥ школышто кум ончер пашам ышта. Икымшыже Марий Эллан 100 ий, кокымшыжо Советский районлан 85 ий, кумшыжо Кугу Отечественный сарыште Сеҥымашлан 75 ий теммылан пӧлеклалтыныт.  

Нуно тунар кугу огытыл гынат, кажныже шке шонымашышкыже шуэш да эртыше пагытыш пӧртылта, кушкын толшо самырык тукымлан ешартыш шинчымашым пуа да элнан, кундемнан историйжым пагален аклаш тарата.

– Тидын деч посна классный час-влак эртеныт, патриотизм дене кылдалтше мероприятий-шамыч лийыныт, – ойла школ вуйлатышын туныктымо да воспитаний паша шотышто алмаштышыже Валентина Ивановна Волкова. – А теве Кугу Отечественный сарыште лийше землякна-влакы аралалт кодшо арверышт. Тиде портсигарже, тыгак кружка – Совет Ушем Герой Алексей Громовын. Тудын кугезе уныкаже, Алеся Громова (снимкыште), мемнан школышто, 1-ше классыште, тунемеш. Котелокшо – Герасим Громовын, мемнан денак пашам ыштыше ӱдыржӧ конден.

Г.КОЖЕВНИКОВА

Опубликовать в Одноклассники

Добавить комментарий