КОНСТИТУЦИЙЫМ КАҤАШЕНА

Россий Федераций Конституцийыш вашталтышым пуртымо нерген каҥашена

Анатолий Смирнов, экономике науко доктор, Марий кугыжаныш университетын Изи да кокла бизнесым виктарыме кафедржын профессоржо:

— Конституцийыш вашталтышым пуртымым сайлан шотлем. У илыш условийыште мемнан кугыжанышнам шелаш огыт пу, нунын гоч тидым шижаш лиеш. Ик агрессорат элышке пурен огеш керт.

Поснак социальный, образований, медицине, пенсионный обеспечений сферыла, правительстве дене кылдалтше вашталтыш-влак келшышт.

Мом эше ужмо шуэш ыле? Калыклан паша верым ситарыме шотышто полшаш кӱлеш. Кажне еҥын тудо гарантированно лийшаш. Кызытсе гай, пашам кычалын, ӧрдыж кундемлаш кошташ кӱлешлык ынже лий. Тыгай вашталтышым пуртыманак.

Верысе муниципальный образований-влаклан, поснак ялысылан, окса дене полшымо шотышто вашталтышымат пурташ кӱлеш ыле. Ты шотышто посна закон лийшашак: окса кӱшычынак ойыралтшаш.  Молан манаш гын таче ялысе кумдыкым, илышым тӱзаташ, эсогыл корным ышташ, моло роскотланат ял шотан илем-влакын оксашт уке.  Газым пурташат калыклан шкаланже оксам погаш логалеш.

 С.НОСОВА

Опубликовать в Одноклассники

Добавить комментарий