Куштылго атлетике дене эртыше Россий первенствыште Олимпийский резерв училище гыч Кирилл Семёнов (800 метр, 20 ияш марте ийготан-шамыч коклаште, тренерже К.Лукьянов) кокымшо верым налын.
Танасымаш 3 февральыште Новочебоксарскыште лийын. Лач ты кечын Кирилл республикын рекордшым шынден: 1:52,81 минут.
Россий первенствыште сенышыш лекташ рвезылан вий изишак ситен огыл.
Палемдыман, «Арена Марий Эл» манежын чоналтмыж дене куштылго атлет-влак сайрак результатым ончыктат. Тыште тренер-влакын надырыштат изи огыл. Тиде первенствыште Марий Эл гыч судья-шамычат пашам ыштеныт.
Е.Эшкинина.