12 март — Уголовно-исполнительный системын пашаеҥжын кечыже. Тидын лӱмеш кугарнян, 13 мартыште, Медведево поселкысо тӱвыра рӱдерыште концерт лийын. Тудым «Визит» вокально-инструментальный ансамбль ончыктен.
Тиде коллективым эше коло наре ий ончычак 3-шо №-ан исправительный колоний пелен тушто тыршыше пашаеҥ-влак чумыреныт. Кызыт нуно чыланат УИС-ын ветеранже улыт. Тидыже тӱжвал сынышт гычат коеш: составысе ик ӱдырамаш ден вич пӧръеҥ тунам, нунын дене вашлийын, сатьям возымем годым, самырык да чолга улыт ыле гын, кызыт южышыштын ӱпыштат ялт сурештын, чурийыштышт куптырат палдырна. Нимом от ыште: жап эрта. Но мурышт тугаяк сылне. Шоктатат, муратат ончычсылак сӧралын да чонеш логалшын.
Л.КАМАЛЕТДИНОВА
