Тудым кунам эртарен колтымо нерген йодышым кугарнян, 20 мартыште, Мер Каҥаш вуйверын заседанийыштыже каҥашаш тӱҥалыт. Оньыжа Э.Александровын палемдымыж почеш, кызытсе вуйверын Погын деч ончыч пытартыш заседанийже лийын гынат, коронавирус инфекцийлан кӧра Марий Элыште утларак ямде улмо режим ышталтмылан (республикыштына 15 апрель марте спорт, культур да моло тӱрлӧ тӱшка мероприятийым эртараш чарыме) ты заседанийым чумырыде огеш лий.
Вуйверын пунчалже-влакым заседаний деч вара Мер Каҥашын сайтыштыже вераҥдат.
С.ПЕХМЕТОВА
Снимкыште: Х Марий калык погын. 2016 ий
М.Скобелевын фотожо
