18-20 майыште паша визит дене Марий Элыш РФ Президент пеленсе Калык-влак кокласе кыл шотышто совет Президиумын членже, РАН-ын Этнологий да антропологий институтшын директоржын алмаштышыже, Российысе калык-влакын ассамблейыштын председательжын икымше алмаштышыже Владмир Зорин толын коштын. Регионыш толмо амалже республикыште верысе кучем орган-влакын кугыжаныш национальный политикыштын стратегийышт дене палыме лийме дене кылдалтын.
Молан визитлан лачшымак Марий Элым ойырен налын? Владимир Юрьевичын палемдымыже почеш, Марий Эл ден Мордовий калык-влак кокласе кылым пеҥгыдемдыме шотышто Юл Кундемысе регионышто ик эн ласкалан шотлалтыт. Марий Эл Правительстве Председательын икымше алмаштышыже, тӱвыра, печать да калык-влакын пашашт шотышто министр Михаил Васютинын тудын дене вашлиялтмыж деч вара Марий Эл Республикын кугыжаныш национальный политикыжын концепцийжым илышыш шындарыме шотышто правительственный комиссийын кумдаҥдыме заседанийже эртен. Тушто этнологий экспертизе, регионысо миграций сӱрет, кугыжаныш национальный политике сферыште кугыжаныш да муниципальный служащий-влакым вузлаште ямдылыме нерген йодыш-влак каҥашалтыныт. Владимир Зорин погынышо-влакым РФ Президент пеленсе Калык-влак кокласе кыл шотышто Советын пашаж дене палдарен. Мемнан регионым ты шотышто сайын пашам ыштыше семын палемден . Регионысо миграций сӱретым Марий Элын элкӧргӧ паша министрже Алексей Дмитриев почын пуэн….
В.Зорин Марий Элыште лийме жапыште Курыкмарий велысе шарнымашан верлаште, Юл кундемысе технологический университетыште, Звенигово районышто лийын. Ты район вуйлатыше-влак дене вашлиймеке, тудо верысе кучем орган-влакын мер да религий шӱлышан организацийышт дене кылым саемден толмо нерген мутланымашке ушнен.
С.Носова.
