Россий Федерацийын Науко да кӱшыл образований министерствыжын 2020 ий 14 мартысе 397-ше №-ан кӱштымашыж дене келшышын, элыштына коронавирус инфекций ынже шарле манын, 16 март гыч Марий кугыжаныш, тыгак Юл кундем кугыжаныш технологий университетлаште посна режим почеш – онлайн йӧн дене – туныкташ тӱҥалыныт.
Тыге преподаватель-влаклан студент-шамыч дене Moodle электрон сервер полшымо дене кылым кучаш (контрольный заданийым пуаш, тестым эртараш, йодыш-шамычлан вашешташ) йӧн ышталтын.
Г.КОЖЕВНИКОВА
