ЛОТЕРЕЙ

Газет ава гай: пукша, йӱкта, палдара да кандара…

Сӧрымынам шуктен, кодшо кечылаште «Марий Эл» ден «Сурт-пече» газет-влаклан 2020 ийын икымше пелыжлан возалтше-шамычын редакцийыш колтымо квитанцийышт негызеш лотерейым эртарышна. 

Тений 398 еҥ пиалжым тергаш кумылаҥын, но тудо 43 подписчиклан веле шыргыжалын. Тиде –

З.Ороспаева (Параньга район, Олор ял) ден Г.Волковалан (Советский район Ушнур села). Нунылан Йошкар-Олам кӱшычын ончымо кабинан пӧрдшӧ ораваш («Чёртово колесо» аттракционыш) ныл билет гыч логалын. Призын спонсоржо – Йошкар-Оласе культур да каныме рӱдӧ паркын директоржын пашажым жаплан шуктышо А.Иванов;

Г.Гордеев ден В.Созоновлан (коктынат Йошкар-Ола гыч улыт) – «Сенджю» япон кафеш сертификат;

В.Колдыревлан (Шернур район Аҥанур ял) – Марий самырык театрыш контрамарке;

Р.Оразаевалан (Морко район Шлань ял) – М.Шкетан лӱмеш Марий национальный драме театрыш контрамарке;

Г.Артемьева (Кужэҥер район Руш Шой села) ден Л.Добролюбовалан (Звенигово район Какшамарий ял) – мончаш пурымо калпак;

А.Васильевалан (Морко район Тыгыде Морко ял), О.Гороховалан (Шернур район Лажъял), Г.Егошиналан (Шернур район Шӱдымарий ял), И.Курочкинлан (Марий Турек район Аимке ял) да Е.Ивановалан (Медведево район Пиясир села) – «Марий Эл» газет редакцийын книга наборжо;

Л.Якимовалан (У Торъял район Элеволко ял) – вуйдеҥге чай;

Е.Шарабуевалан (Шернур район Куэрсола ял) – ӱдырамаш колготко;

В.Лисовалан (Советский район Кужмарий села) – Марий Эл Республикын 2020 ийлан изи календарьже;

В.Платонов (Морко район Нуж-Ключ ял) ден А.Осиповлан (Марий Турек район Элымбай ял) – Марий Эл Республикын 2020 ийлан кугу календарьже;

Г.Соловьевалан (Советский район Курыкӱмбал ял) – 2020 ийлан финн-угор календарь;

Р.Муравьевалан (Морко район Морко посёлко) – А.Алексеевын «Аралтыш» документальный фильм аршаш дискше;

Н.Кузьминалан (Кужэҥер район Шӱдымарий ял) – кид понар;

Э.Васильева (Морко район Весшӱргӧ ял) ден Р.Веревкиналан (У Торъял район У Торъял посёлко) – ӱзгар набор;

Г.Веселовалан (Параньга район Изи Пумарий почиҥга) – кофе набор;

Г.Цветниковалан (Морко район Морко посёлко) – полто;

А.Пыркинлан (Кужэҥер район Кугорнымбал ял), Е.Васильевалан (Волжский район Йывансола) да Л.Грозновалан (Звенигово район Эсмекпляк села) – рюмко набор;

С.Столяровалан (Оршанке район Тошто Крешын ял) – салатнице набор;

В.Большаковалан (Волжский район Памар кундемысе Чодыраял) – кувшин;

Л.Кондратьевалан (Марий Турек район Лоп ял) – чайгорка набор;

Р.Андреевалан (Морко район Кортасэҥер ял) – вӱд фильтр;

Р.Васильевалан (Волжский район Руш Шайра ял) – термос;

Д.Михайловалан (Морко район Овдасола ял) – гирляндан кӱпчык;

Э.Пекпулатовалан (Шернур район Эҥермучаш ял) – гобелен покрывал;

З.Михайлова (Параньга район Элпанур ял) ден И.Таныгинлан (Советский район Кундышӱмбал ял) –  одеял;

Е.Березиналан (Шернур район Пӱнчерйымал ял) – каструль;

Е.Никитиналан (Шернур район Кугэҥер ял) – электрочайник;

Л.Григорьевалан (Йошкар-Ола) – астрологын сертификатше;

Н.Петровалан (Звенигово район Изи Моламас ял) – портативный зарядный устройство (тӱжвал аккумулятор);

З.Ивановалан (Советский район Кукмарий ял) – вич мешак пырче.

А тӱҥ призна – электромультиварке –  полшымо дене Параньга районысо Памашъялыште илыше Анастасия Гребнева тӱрлӧ тутло кочкышым ямдылаш тӱҥалеш! 

Палемдыме приз-влакым модын налше чыла йолташнам уло кумылын саламлена да газет ден лудшо-шамыч кокласе кылнам умбакыжат пеҥгыдемден гына толына манын ӱшанен кодына.

Газет редакцийна шуматкече да рушарня деч моло кечын 8 гыч 17 шагат йотке пашам ышта. Призлан толмо годым пашаеҥ-влакын кечывал канышыштлан мойн логалаш да жапым арам йомдараш огыл манын, 49-55-11 номеран телефон дене ончылгоч йыҥгырташ йодына.

Республикысе районлашке командировко дене лекме годым корнымбалне илыше южо еҥлан призым мӧҥгышкыжак кондаш але тудым ял шотан илем администрацийыште, школышто да мойн кодаш тыршена.

М.ИВАНОВА

М.Скобелевын фотожо

Опубликовать в Одноклассники

Добавить комментарий