«Марийцы Карелии» мер организацийын чолга еҥже Алевтина Войтовичым «За сохранение и популяризацию культуры Карелии» медаль дене палемденыт.
Шернур марий ӱдыр ынде ятыр ий Петрозаводскышто ила, А.К.Глазунов лӱмеш кугыжаныш консерваторийыште этномузык туныктышылан пашам ышта, «Акрет мари» ансамбльын пашажым виктара. Тыгак «Марийцы Карелии» мер организацийын чолга еҥже. Шке сайтыштыже тудо тыгерак воза: «Икмыняр ий ончыч Карелийыш логалмемлан да тыгай талантан да творческий ен-влак дене пашам ыштымемлан куанем. Чылаштлан тау!»
С.НОСОВА
Фотом почмо соцсеть гыч налме
