СПОРТ

«Тарванылат, илаш кумыл лектеш, вий-куат ешаралтеш»

Эртыше каныш кечын Какшан эҥерыште (Йошкар-Оласе Ленинский проспект, 15В воктене) йӱштӧ вӱдышто ийме дене Марий Элын чемпионатше лийын. Тушто кумылан 50 наре еҥ вийжым терген.  

Такшым йӱштӧ вӱдыштӧ ияш йӧратыше-влакын клубышт мемнан дене витле ий наре пашам ышта, а республик кӱкшытан тыгай таҥасымаш кумшо гана эртаралтын. Участник да тыгак ончаш толшо-шамычым гармонь сем почеш Зоя Васильева мурыктен, куштыктен. Тыге шкешотан мероприятийлан весела кумылым, пайрем шӱлышым пуртеныт.

Ончыч ӱдыр, ӱдырамаш-влаклан старт пуалтын, а вара пӧръеҥ-шамыч 25, 50, 100 метр кужытым ийын эртеныт.

– Тиде ала спорт ала илышын ик йыжыҥже… Айдемым илаш таратыше тат, шонем. Кажне айдеме шканже мом-гынат кычалеш. Лиеш вет мӧҥгыштӧ  шортынат шинчаш. Тыйым иктат толын ок куандаре.

Тӱҥалтыште йӱштӧ вӱдыштӧ ияш лӱдмашан, вара тунемалтеш. Мутлан, куржталаш тӱҥалат, куржталме шуэш, тӱрым тӱрлаш тӱҥалат, тӱрлымӧ шуэш… Мыйынат тыгак. Кажне эрдене Какшан эҥер вӱдыштӧ чывылалтам. Тидыже творческий пашалан таратыше оҥай йӧн манашат келшен толеш. Вуй сайынрак пашам ышташ тӱҥалеш. Уке гын, 65 ий деч вара я икте коршта, я весе, давленият витара. Тарванылаш, куаным муын  мошташ кӱлеш. Чылажат вет айдеме дене кылдалтын. Тыгайже уке гын, илашат кумыл йомешыс. Икманаш, илышышке могай-гынат шкешотан, чонлан келшыше ойыртемым пуртыман. Эреак тарванылат гын, эмлыме верышкат, поликлиникышкат корно мондалтеш. Пӱртӱсын икшывыже улына. Тудын вийже дене пайдаланыман, ӧрканаш гына ок кўл, – манеш йӱштӧ вӱд гыч ийын лекше Р.Николаева.

– 22 ий йӱштӧ вӱд полшымо дене капкылем шуарем. Ик жап чӱчкыдын  черланем ыле. Эмлымверыш кошташ огыл манын, стадионышто куржталынам, а вара «морж-влакын» иймыштым ужынам. «Мыйже тыге ом керт мо?», – шоналтенам тунам семынем. Крешене кечын икмыняр гана чывылалтынам. Варажым кажне кечын вӱдыш пураш тӱҥалынам. Кызыт кажне эрдене, ийым каткален, верым ямдылена, вургемым вашталтен чияш вагонкым «буржуйко» дене ырыктена. Йырым-йырже куштырамат шкеак эрыктена. Ончычсо вуйлатыше Леонид Васильевич Егошинлан кугу тау. Кызыт «Марийские  моржи» клубым Юрий Александрович Зонов вуйлата. МЧС-ште тыршыше-влаклан поснак кугу таум ыштена. Таче таҥасаш эрден эрак 60 сантиметран ийым бензопила дене пӱчкын вӱд корным ышташ полшеныт, – манеш Медведево район гыч толшо Валерий Плесцов.

– Провой кундем гыч лӱмын толынам. Юлышто эҥерыште ий эше кылмыше, а тыште вакым ямдылыме. Йошкар-Олашке лўмынак арнялан ик гана толам. Чон ӱжмӧ дене вӱдыш пураш тӱҥалынам. Капкыл куштылгым шижам. Тыште оҥай еҥ-влак дене палыме лияш йӧнан,  – ойла 45 ияш Надежда Хлебникова.

– Ты шижмашым каласен мошташат ок лий: пеш сай, экстрим! – Вӱд гыч лекшыштла, куаным ышт шылте ятыр участник.

Шарнем, икымше гана Чуваш Республик гыч толшо Михаил Андроновым калык єрын ончен. Судьян 50 метрыш ийше-влак коклаште лӱмжым увертарымекше, Какшан эҥер сер гыч костыль дене волышо пел йолан участникым ужын. Тудын дене туткар лийын: аварий деч вара пєръеҥ шола йол деч посна кодын. Но пеҥгыде кєргє виян айдеме умбакыжат таҥасымашлаште участвоватлаш тӱҥалын. Эсогыл Юрмала олаште теле иймаш дене эртыше тӱнябал первенствыште 1100 еҥ коклаште палемдыме 450 метрым Россий гыч шкетын мучаш марте ийын эртен. Тунам Михаилым «За волю к победе» посна пєлек дене палемденыт.

Такшым спортын моло видше семынак шкешотан ты теле иймаштат шуко лӱдыкшӧ уло. Мутлан, таҥасымаш годым йоҥылыш камвозат, тыманмеш сусыргет, ий ныжылге коваштым вашке эмгата.

Тӱрлӧ кырча-марчам шотыш налде, спорт мероприятий сайын эртен. Участник, тыгак ончаш толшо-влак мӧҥгышкышт куан кумыл дене пєртылыныт.

Оршанке гыч Эльвира Новосёлова 2017 ий гыч. 25 метрым каенам. Сайын чучеш. Тазалык изиш… Шке тӱҥалынам, закаливатлалташ. Иммунитет вияҥеш манын каласем. Йӱштӧ вӱд дене чывылалтам.

Никитина Елена Игнатьевна морж – влакым судитлен. 50 еҥже уло. 25 метрым эртеныт. Таче вӱд пеш сай. Таче пайрем вӱдшат полша.

Заплыв пӧръеҥ-влак 25, 50 , 100 метрым эртеныт.

1990 ийыште тӱҥалынам. Кочай ивановетын 12 пунктым. ОРЗ дене 5-6 гана идалыкеш черланенам. Чонышкак витен. Ончыч пӧрт воктене кок ведра йӱштӧ вӱд дене чыывылалтынам. вара 10 ий гыч 1 май гыч … Визымше тургым олаште илем, телым тыште йӱштылам, Какшан вӱдыш коштам. Вӱд эмла, илаш полша. Йӱштӧ вӱд.

Е.ЭШКИНИНА

Опубликовать в Одноклассники

Добавить комментарий