Финн-угор студент-влакын «Финн-угор калык-влакын поянлыкышт» тӱнямбал форумышт Марий кугыжаныш университетыште тений 25-26 майыште нылымше гана лиеш. Тудо Российын тӱрлӧ регионыштыжо да вес эллаште илыше финн-угор студент ден аспирант-шамыч коклаште пеҥгыдырак кылым ышташ, шымлыме паша опыт дене пайлалташ эртаралтеш. Форумышто 9 секций пашам ышташ тӱҥалеш. Тыгак уна-влакым тӱрлӧ мастер-класс, творческий площадке, концерт программе вуча.
Л.ШАБДАРОВА.
