УВЕР ЙОГЫН

Уэмдат, олмыктат, чоҥат

Марий Эл вуйлатыше А.Евстифеев Йошкар-Оласе «Юбилейный» спорт комплексыште лийын. Тудо ты зданийым, спортсмен-влакын ямдылалтме заллам ончен лектын да тиде сооруженийым олмыкташ кӱлмӧ нерген ойлен.

 1970 ийлаште чоҥалтше ты спорт комплексын 60 процент кумдыкшо веле пашам ыштен. Аварийный улмыжлан кєра ийме бассейным шукертак петыреныт, икмыняр ужаш инфраструктуржат спортсмен-влаклан ямдылалташ келшыше огыл. Туге гынат зданийын ик вел ужашыштыже таче кечынат тренироватлалтыт, кўлеш инвентарьымат налыт, уэмдат.  

Таче кечылан «Юбилейный» спорт комплексыште 500 еҥ ямдылалтеш. Тушто спорт гимнастике, грек-рим кучедалмаш, корэш, акробатический рок-н-ролл, мини-футбол, бокс дене занятий-влак эртат.

Регион вуйлатыше спортзалым, кабинетлам, трибуным, бассейн лийше верым ончен лекмыж деч вара палемден:

– Бассейн 15 ий пашам ок ыште. Тудо койын шалана, а зданийын вес ужашыже энтузиаст-тренер, тысе пашаеҥ-влак кӱшеш гына кучалтеш. Спорт комплекс кызытат шуко еҥлан палыме. Тидыже тудын моткоч йєнан вереш чоҥалтмыж дене кылдалтын.

Чыла коммуникацийым вашталтен, реконструкцийым ыштыман, но тидын деч ончыч чылажымат терген лекман. Ончыч эксперт-влакын иктешлымашышт лийшаш. Спорт комплекс шке пашажым умбакыже шуйышаш.

Палаш: таче кечылан республикыште 1700 утла спорт объект, сооружений улыт.

Марий Эл Республик вуйлатышын

организаций да аналитике виктемын

уверже негызеш Е.ЭШКИНИНА ямдылен

Опубликовать в Одноклассники

Добавить комментарий