СОЦИАЛ ИЛЫШ

Угыч шотлат

Российысе моло регион дене пырля Марий Элат пеҥгыде коммунал шӱкшакым погымо да пытарыме у схемыш 2019 ий 1 январь гыч куснен, да коммунал услугылан квитанций-влак радамыш эше ик счёт ешаралтын.

Коммунал услугылан тӱлымӧ порядкым РФ Жилищный кодексше ден Россий правительствын пунчалже-влак виктарат.

Квитанцийыште палемдыме суммым кок случайыште угычат шотлаш лиеш. Икымше – гражданинын пачерыште але пӧртыштӧ вич календарный кече деч утларак жап илыдымыж годым, кокымшо – услугым кӱлеш семын шуктыдымо годым.

Икымше случайыште суртоза виктарыше компанийыш, ТСЖ-ш але региональный операторын абонент пӧлкашкыже пӧртыштӧ але пачерыште илыше-влакын вич кече деч утларак жап уке лиймыштым пеҥгыдемдыше документым кондышаш.  Кокымшышто – торым идалыкын йӱштӧ пагытыштыже кум суткалан ик гана да шокшо жапыштыже сутка еда кораҥдыдымым виктарыше компаний, ТСЖ дене пырля але шке гыч пеҥгыдемдышаш. 

М.ИВАНОВА

Опубликовать в Одноклассники

Добавить комментарий