Эртыше арнян, 10 гыч 16 февраль марте, республикыштына ОРВИ дене черланыме 5940 случайым регистрироватлыме. Тиде чот эпидемий лондемым 45,1 процентлан вончен. Черланыше-влак коклаште утларакше (62,4 процент, 3705 случай) 14 ияш марте йоча-влак улыт.
Грипп дене черланыме 21 случайым регистрироватлыме. Йошкар-Олаште, Волжский, Медведево да Морко районлаште илыше 9 кугыеҥ ден 12 йоча А (H1N1/09) грипп дене черланеныт, эше ик икшыве – В грипп дене.
Черын чот шарлымыжлан кӧра Йошкар-Олаште, Волжскышто, Волжский, Курыкмарий, Медведево, Марий Турек, Морко, Оршанке да Юрино районлаште 31 школысо 93 классыште да 16 йочасадысе 27 группышто туныктымо да воспитатлыме пашам чарен шогалтыме, а Руэм посёлкысо Шуко профилян лицей-интернатым, Волжск оласе ик йочасадым, тыгак Юрино районысо ик йочасадым карантин жаплан тичмашнек петырыме.
М.ИВАНОВА
